Գերմանիան ռուսական ինքնաթիռի պատճառով՝ օդ է բարձրացրել կործանիչները

Գերմանիայի ռազմաօդային ուժերը կործանիչները օդ են բարձրացրել Բալթիկ ծովի օդային տարածքում` ռուսական Իլ-20Մ ինքնաթիռի հայտնվելու պատճառով։ Այս մասին հայտնել է Bild-ը։

Պարբերականը նշում է, որ ՆԱՏՕ-ի ռադարները հայտնաբերել են Իլ-20Մ-ը, որը, ենթադրաբար, թռիչք է կատարել Կալինինգրադից և շարժվել է միջազգային օդային տարածքում։

Նշվում է, որ երկինք են բարձրացել երկու Eurofighter կործանիչներ, որոնք տեսողական կապ են հաստատել ռուսական ինքնաթիռի հետ Գերմանիայի ափից 100 կմ հեռավորության վրա։

Bild-ը, հղում անելով ռազմական շրջանակներին, նշում է, որ սա այս տարի իններորդ անգամն է, որ դաշինքի կործանիչները բարձրացել են օդ՝ ռուսական ինքնաթիռների պատճառով։