Կանադան ԱՄՆ-ին բանակցություններ կառաջարկի

Կանադայի վարչապետ Մարկ Քարնին հայտարարել է, որ Օտտավան Վաշինգտոնին կառաջարկի առևտրային բանակցություններ՝ չնայած ԱՄՆ նախագահ Դոնալդ Թրամփի՝ երկխոսությունը դադարեցնելու մասին կոշտ հայտարարություններին։ Նրա խոսքերը հաղորդել է ՌԻԱ Նովոստին։

«Մենք կշարունակենք այս բանակցությունները վարել՝ հիմնվելով կանադացիների շահերի վրա», - ընդգծել է Քարնին։

Նա հավելել է, որ բանակցությունները դադարեցնելու մասին Թրամփի խոսքերից հետո չի խոսել նրա հետ։

Քարնին չի մանրամասնել, թե արդյոք Կանադայի կառավարությունը պատրաստ է հրաժարվել թվային ծառայությունների հարկից, ինչը ԱՄՆ-ի կողմից կտրուկ արձագանք է առաջացրել։