Թուրքիայում անտառային հրդեհների գործով ձերբակալվել է 17 մարդ

Թուրքիայի արդարադատության նախարար Յըլմազ Թունչը հայտարարել է երկրի տարբեր շրջաններում անտառային հրդեհների շարքին մասնակցելու կասկածանքով 17 անձի ձերբակալության մասին: Նա այս մասին գրել է X սոցիալական ցանցում:

 

«Դատախազության կողմից տեղի ունեցած հրդեհների վերաբերյալ անցկացված բազմակողմանի և մանրակրկիտ հետաքննության շրջանակներում մինչ օրս ձերբակալվել է 17 կասկածյալ», - ասել է նախարարը՝ մանրամասնելով, որ խոսքը վերաբերում է հունիսի 26-28-ը հանրապետության մի քանի մարզերում բռնկված հրդեհներին։

 

Թունչը նաև նշել է, որ Բիլեջիկ նահանգում կալանավորները նախազգուշական նպատակով տարհանվել են ուղղիչ հիմնարկից։