Սիրիան մտադիր է վերադառնալ Իսրայելի հետ համաձայնագրերին․ ԶԼՄ

Սիրիան ցանկանում է վերադառնալ 1974 թվականի անջատման համաձայնագրին և դադարեցնել իր տարածքի վրա հարձակումները Իսրայելի հետ անուղղակի բանակցությունների ընթացքում, հաղորդում է Asharq Al-Awsat-ը՝ հղում անելով Սիրիայի կառավարությանը մոտ կանգնած աղբյուրներին։

Պարբերականը նշում է, որ, հավանաբար, կկնքվի նոր անվտանգության համաձայնագիր, որը ապագայում կհարթի համապարփակ խաղաղության համաձայնագրի ճանապարհը։

Աղբյուրի խոսքով՝ Իսրայելի հետ խաղաղության համաձայնագրերի կնքման հնարավորությունը ներկայումս բացառվում է։

Աղբյուրը հավելել է, որ տարածաշրջանում իրավիճակը շատ արագ փոխվում է, Դամասկոսը հույսը դնում է արաբական պետությունների դերի վրա՝ համաձայնագրի կնքման գործում, որը կպահպանի Սիրիայի ինքնիշխանությունը։