Իսրայելում բախումներ են տեղի ունեցել զինվորականների և հրեա բնակիչների միջև

Իսրայելի պաշտպանության ուժերի Telegram ալիքը հաղորդում է, որ իսրայելական ռազմական բազայի մոտ տեղի են ունեցել բախումներ հրեա բնակիչների, զինվորների և ոստիկանության միջև։

Բենիամինի բազայի մոտ տասնյակ մարդիկ են հավաքվել՝ արտահայտելով իրենց վրդովմունքը վերջերս տեղի ունեցած միջադեպի կապակցությամբ, որի ժամանակ զինվորականները կրակ են բացել՝ ցրելու պաղեստինյան գյուղի վրա հարձակվելու համար հավաքված բնակիչներին։

Ցուցարարները հարձակվել են անվտանգության ուժերի վրա և ջարդուփշուր արել ռազմական մեքենաները։ Զինվորականներն ու ոստիկանությունը ստիպված են եղել ուժ կիրառել, այդ թվում՝ լուսարձակող նռնակներ։ Մեկ մարդ վիրավորվել է և տեղափոխվել հիվանդանոց։