ԱՄՆ-ն կոչ է անում արգելել Իրանին ուրանի հարստացումը և հրթիռների մշակումը

Վաշինգտոնը պետք է ձգտի արգելել Իրանի ուրանի հարստացման և բալիստիկ հրթիռների բոլոր ծրագրերը՝ Իսլամական Հանրապետությանը միջուկային զենքի մշակումը կանխելու համար, ասվում է Ներկայացուցիչների պալատ ներկայացված բանաձևի նախագծում, հաղորդում է «ՌԻԱ Նովոստի»-ն։

«Պալատը աջակցում է Իրանի կողմից միջուկային զենքի ձեռքբերումը կանխելու քաղաքականության նպատակին՝ ուրանի հարստացման բոլոր գործունեության, զենքի մշակման և բալիստիկ հրթիռների արձակման համակարգերի վրա մշտական, ստուգելի արգելքի միջոցով», - ասվում է փաստաթղթում։