ՄԱԳԱՏԷ-ն զգուշացնում է. Իրանն ընդամենը մի քանի ամսում կարող է վերամեկնարկվել ուրանի հարստացումը

ՄԱԿ-ի Միջուկային էներգիայի գործակալության (ՄԱԳԱՏԷ) ղեկավար Ռաֆայել Գրոսին հայտարարել է, որ ԱՄՆ-ի կողմից Իրանին հասցված հարվածները չեն ոչնչացրել երկրի միջուկային ներուժը, և Թեհրանը կարող է ընդամենը մի քանի ամսում վերամեկնարկվել ուրանի հարստացման գործընթացը։ Սա հակասում է նախագահ Դոնալդ Թրամփի պնդումներին, թե Իրանի ծրագիրը «ոչնչացվել է տասնամյակներով»։

Գրոսին հայտնել է, որ չնայած վնասին, Իրանը դեռ պահպանում է տեխնոլոգիական և արդյունաբերական հնարավորությունները՝ միջուկային ծրագիրը վերագործարկելու համար։ ՄԱԳԱՏԷ-ն վաղուց պահանջել է հստակ պատասխաններ այն հարցերի շուրջ, թե ինչու են ուրանի հարստացված տարրեր հայտնաբերվել Թեհրանում չհայտարարված վայրերում։

Միևնույն ժամանակ, Թեհրանի խորհրդարանը քվեարկել է ՄԱԳԱՏԷ-ի հետ համագործակցությունը դադարեցնելու օգտին, իսկ արտաքին գործերի նախարար Աբբաս Արաղչին հայտարարել է, որ Իրանը կարող է վերանայել Միջուկային զենքի չտարածման պայմանագրին (NPT) անդամակցությունը։ Սա միջազգային վերահսկողությունից դուրս գալու և միջուկային ծրագրի ամբողջական վերահաստատման վտանգավոր ազդակ է համարվում, գրում է CNN-ը։