Շվեդիան 180 միլիոն դոլար կհատկացնի Ուկրաինային աջակցության համար

Շվեդիան մոտ 1,67 միլիարդ կրոն (180 միլիոն դոլար) կհատկացնի Ուկրաինային աջակցելու համար՝ վերանայելով այլ երկրներին տրամադրվող տնտեսական օգնության կառուցվածքը։ Այս մասին հաղորդվել է երկրի կառավարության գրասենյակի մամուլի հաղորդագրության մեջ, գրում է ՏԱՍՍ-ը։

Շվեդիայի կառավարությունը նաև որոշել է աստիճանաբար հրաժարվել Աֆղանստանի հետ համագործակցության ծրագրից և Ասիայի ու Օվկիանիայի երկրների հետ զարգացման համագործակցության տարածաշրջանային ռազմավարությունից։ Նշվում է, որ նպատակը տնտեսական օգնությունից առևտրի անցումն է։

«Մենք 1,67 միլիարդ շվեդական կրոն ենք հատկացնում Ուկրաինային աջակցելու և ամբողջ աշխարհում կյանքեր փրկելու ջանքերին», - ասել է Շվեդիայի արտաքին առևտրի և միջազգային զարգացման համագործակցության նախարար Բենջամին Դուսան՝ նշելով, որ Ստոկհոլմը չի կարող ծածկել Վաշինգտոնից ստացված օգնության կրճատումը, բայց կանի հնարավոր ամեն ինչ։