Դանիայում իրանական հետախուզության համար աշխատելու կասկածանքով տղամարդու են ձերբակալել

Դանիական իշխանությունները ձերբակալել են դանիացի քաղաքացու՝ իրանական հետախուզության համար աշխատելու կասկածանքով, հաղորդում է Associated Press-ը՝ հղում անելով Գերմանիայի դատախազությանը։

Կասկածյալին լրատվամիջոցներում անվանում են «Ալի Ս.»։ Նա ձերբակալվել է Օրհուսում՝ հունիսի 27-ին։ Դատախազության տվյալներով՝ տղամարդը Գերմանիայում տեղեկություններ էր հավաքում Բեռլինի հրեական համայնքի հանդիպման վայրերի և կոնկրետ անձանց մասին՝ հավանաբար հարձակումներ նախապատրաստելու համար։

Տղամարդը ներկայումս սպասում է Գերմանիա արտահանձնմանը, որտեղ նրան մեղադրանք կառաջադրվի։ Հետաքննությունը պարզել է, որ հունիսին նա հսկողություն էր իրականացնում Գերմանիայի մայրաքաղաքի երեք մասնավոր սեփականություններում։