Եվրահանձնաժողովը մեկնաբանել է Հունգարիայում Ուկրաինայի՝ Եվրամիությանը անդամակցության վերաբերյալ հանրաքվեն

Եվրոպական հանձնաժողովը ի գիտություն է ընդունել Հունգարիայում Ուկրաինայի՝ Եվրամիությանը անդամակցության վերաբերյալ հանրաքվեի արդյունքները, որի ընթացքում բնակչության մեծամասնությունը դեմ է քվեարկել երկրի քաղաքական միությանը անդամակցությանը։ Այս մասին հայտարարել է ԵՀ մամուլի խոսնակ Գիյոմ Մերսիեն, գրում է «Եվրոպական պրավդան»։

«Մեր դիրքորոշումը Հունգարիայում տեղի ունեցած ազգային խորհրդակցությունների վերաբերյալ շատ հստակ է։ Մենք հաշվի ենք առնում այդ ազգային խորհրդակցությունների արդյունքները։ Հունգարիայի կառավարությունը հրավիրել և կազմակերպել է այս ոչ պարտադիր խորհրդակցությունը, և, ինչպես գիտեք, ազգային խորհրդակցությունները ազգային իշխանությունների գործն են», - ասել է Մերսիեն։

Նրա խոսքով՝ հունգարական իշխանությունները հիմա պետք է բացատրեն, թե ինչպես են «ցանկանում առաջ շարժվել»։ ԵՀ խոսնակը նշել է, որ Ուկրաինան իրականացնում է բոլոր անհրաժեշտ բարեփոխումները և բավարարել է բանակցությունները սկսելու առաջին խմբի չափանիշները։ «Թեկնածու երկրին օբյեկտիվ հիմքերի բացակայության դեպքում հետ պահելը խաթարում է վստահությունը ԵՄ ընդլայնման գործընթացի նկատմամբ»,-ընդգծել է Մերսիեն։