Լուկաշենկոն մեկնաբանել է Բելառուսի սահմանների մոտ ՆԱՏՕ-ի զորավարժությունները

«Գիտեք, մեր կողքին անցկացվում է «Եվրոպայի պաշտպան 2025» անվամբ զորավարժությունների շարք։ Զորավարժությունների մասշտաբներն ու մոտ լինելը սպառնալից են. 25 հազար ՆԱՏՕ-ի զինծառայողներ, ինչպես նրանք հայտարարեցին, և մոտ 3 հազար միավոր զենք ու տեխնիկա՝ բառացիորեն մեր սահմանից տասը-տասնհինգ կիլոմետր հեռավորության վրա։ Սա արդեն գործնականում մեր հողի վրա է։ Մենք տեսնում ենք այս «պաշտպաններին» հարձակողական սցենարով՝ իրենց ողջ փառքով, և չենք պատրաստվում արձագանքել ուժի ագրեսիվ ցուցադրությանը։ Մենք ամեն ինչ անում ենք տարածաշրջանում լարվածությունը նվազեցնելու համար», - ասել է Լուկաշենկոն Անկախության օրվա կապակցությամբ կազմակերպված հանդիսավոր հանդիպման ժամանակ, ինչպես մեջբերում է Belta գործակալությունը։