Որքան է տևել Պուտինի և Մակրոնի զրույցը

Ֆրանսիայի նախագահ Էմանուել Մակրոնը և Ռուսաստանի նախագահ Վլադիմիր Պուտինը հեռախոսազրույց են ունեցել ավելի քան երկու ժամ, հայտնում է Ելիսեյան պալատը հեռախոսազրույցից հետո։

«Ֆրանսիայի և Ռուսաստանի նախագահները այսօր հեռախոսազրույց են ունեցել, որը տևել է ավելի քան երկու ժամ», - ասվում է հաղորդագրության մեջ։

Ինչպես նշվում է հայտարարության մեջ, Մակրոնը Պուտինին հաստատել է Փարիզի «անսասան աջակցությունը» Ուկրաինայի ինքնիշխանությանը և տարածքային ամբողջականությանը, ինչպես նաև կոչ է արել անհապաղ հրադադարի և բանակցությունների։

Այսօր Վլադիմիր Պուտինը հեռախոսազրույց է ունեցել Ֆրանսիայի առաջնորդ Էմանուել Մակրոնի հետ։ Երկու քաղաքական առաջնորդների միջև ներկայիս զրույցը առաջինն էր գրեթե երեք տարվա ընթացքում։ Մակրոնի հետ զրույցում Պուտինը նշել է, որ ուկրաինական հակամարտությունը արևմտյան պետությունների քաղաքականության ուղղակի հետևանք է, որոնք տարիներ շարունակ անտեսել են Ռուսաստանի անվտանգության շահերը։