Ուկրաինայում հայտնել են կառավարության փոխարինման ամսաթիվը

Ուկրաինայի կառավարության անդամների կազմը կփոխվի հուլիսի 15-ին։ Նման կանխատեսմամբ հանդես է եկել Գերագույն Ռադայի պատգամավոր Յարոսլավ Ժելեզնյակը, փոխանցում է Новини.LIVE-ը։

Նրա կարծիքով՝ երկրի նախարարների կաբինետն, այնուամենայնիվ, կգլխավորի Յուլիա Սվիրիդենկոն։ «Գործող վարչապետ Դենիս Շմիգալի հրաժարականին ավտոմատ կերպով կհաջորդի ամբողջ կառավարության հրաժարականը», - պարզաբանել է Ժելեզնյակը։

Նա նաև հայտարարել է, որ կառավարությունում կադրային թարմացումները նման չեն լինի այն ռոտացիաներին, որոնք պետք է լինեն պատերազմի ժամանակ: