Ռուսաստանում օրենք է ընդունվել՝ Apple-ին արգելելով սահմանափակել RuStore-ի տեղադրումը

Հուլիսի 2-ին Ռուսաստանի Դաշնության խորհրդարանն ընդունել է օրենք, որը արգելում է տեխնոլոգիական ընկերություններին, այդ թվում՝ Apple-ին, սահմանափակել ռուսական RuStore հավելվածների խանութի տեղադրումը իրենց սարքերում։ Օրենքը նախատեսվում է ուժի մեջ մտցնել սեպտեմբերի 1-ից՝ եթե այն ստորագրի Վլադիմիր Պուտինը։

Փաստաթղթում նշվում է, որ արգելվում է սահմանել ցանկացած պայման, որը կխոչընդոտի ռուսական հավելվածների կամ խանութների լիարժեք օգտագործումը սարքավորման վրա, հայտնում է Лента.ру-ն։

Օրենքի հիմնավորման մեջ նշվում է, որ մի շարք ընկերություններ, մասնավորապես Apple-ը, լիցենզային համաձայնագրերով արգելում են անկախ աղբյուրներից, այդ թվում՝ RuStore-ից, հավելվածների տեղադրումը։