Սիրիայի հարցով եռակողմ` Ռուսաստան-ԱՄՆ-Բրահիմի հանդիպումը կկայանա հունվարին
Մերձավոր Արևելք
Սիրիայի հարցով նոր փորձագիտական հանդիպումը Ռուսաստանի և ԱՄՆ-ի արտգործնախարարների մասշտաբով, որին իր մասնակցությունն է ցուցաբերելու նաև Սիրիայի հարցով ՄԱԿ-ի ու Արաբական պետությունների լիգայի հատուկ ներկայացուցիչ Լախդար Բրահիմին, կարող է կայանալ արդեն հունվարին: Այս մասին վերջնական որոշումը կընդունվի Լախդար Բրահիմիի Մոսկվա ժամանելուց հետո. Риа Новост-ին հայտնել է ՌԴ փոխարտգործնախարար, Մերձավոր Արևելքի հարցերով նախագահի հատուկ ներկայացուցիչ Միխայիլ Բոգդանովը:
«Մենք կլսենք, թե ինչ է պատրաստվում մեզ ասել Լախդար Բրահիմին Սիրիայի իրավիճակի մասին, որից հետո, հավանաբար, որոշում կկայացվի «երեք Բ»-ի՝ Լախդար Բրահիմի, Վիլյամ Բերնս և Միխայիլ Բոգդանով հանդիպման մասին: Սակայն այդ հանդիպումն արդեն կլինի հունվարին՝ տոներից հետո»,-ասել է նա:
Սիրիայի հարցով ՄԱԿ-ի ու Արաբական պետությունների լիգայի հատուկ ներկայացուցիչ Լախդար Բրահիմին կժամանի Մոսկվա դեկտեմբերի 29-ին ՌԴ արտգործնախարար Սերգեյ Լավրովի հետ Սիրիայի հակամարտության կարգավորման հարցը քննարկելու համար:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
