Ասադը դժվար թե տեղ գտնի ապագա Սիրիայում. Եգիպտոսի ԱԳՆ
Մերձավոր Արևելք
Եգիպտոսի արտգործնախարար Մուհամմեդ Ամրը վստահ է, որ Սիրիայի ներկա ղեկավարությունը երկրի ապագա նոր քաղաքական կառուցվածքում տեղ չունի. այդ մասին Մոսկվայում ՌԴ արտգործնախարար Սերգեյ Լավրովի հետ բանակցություններից հետո հայտարարել է Եգիպտոսի արտգործնախարարը. փոխանցում է Риа Новости-ն:
«Սիրիայի ներկայիս իշխանությունները դժվար թե տեղ ունենան այդ պետության ապագա կառույցներում»,-ասել է Ամրը և հավելել, որ Սիրիայի իշխանությունների համար անհրաժեշտ է ապահովել անցումային շրջանը:
Եգիպտոսի արտգործնախարարը նշել է, որ այդ ասելով՝ նա նկատի ունի անցումային կառավարության ստեղծումը՝ Սիրիայում հակամարտող կողմերի միջև բանակցություններ հաստատելու նպատակով: Նա նշել է, որ Եգիպտոսը դեմ է ցանկացած տիպի արտաքին միջամտության և կոչ է անում միայն բռնության անհապաղ դադարեցմանը:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
