«Չորրորդ ինքնիշխանություն». Արմեն Երիցյանը Արթուր Բաղդասարյանին չի աջակցելու
Հայկական Մամուլ
Թերթը գրում է. «ՀՀ արտակարգ իրավիճակների նախարարությանը մոտ կանգնած «ՉԻ» աղբյուրների փոխանցմամբ՝ նախարար Արմեն Երիցյանն օրերս իր աշխատակիցների հետ հանդիպման ժամանակ խստագույնս հրահանգել է իրեն արջի ծառայություններ չմատուցել եւ նախընտրական շրջանում չփորձել՝ որպես պետական կառույցի ներկայացուցիչներ, խառնվել նախընտրական գործընթացներին:
Նկատենք, որ Արմեն Երիցյանը նախարար է դարձել ՕԵԿ-ի քվոտայով, եւ այս կուսակցությունը Արմեն Երիցյանից՝ որպես ուժային կառույցներում աշխատած դեմք, լուրջ ակնկալիքներ ունի: Սակայն ՕԵԿ ակնկալիքներն առանձնապես չեն հուզում Երիցյանին: Ավելին՝ «ՉԻ» տեղեկություններով, վերջին շրջանում էլ ավելի են վատացել ՕԵԿ նախագահ, ԱԽ քարտուղար Արթուր Բաղդասարյանի եւ Արմեն Երիցյանի հարաբերությունները: Բանն այն է, որ Երիցյանն ուղղակի համարվում է Սերժ Սարգսյանի մարդը, եւ նախարարն «աշխատում» է ոչ թե Արթուր Բաղդասարյանի, այլ Սերժ Սարգսյանի հետ, անգամ կարելի է ասել՝ Սերժ Սարգսյանի համար: Այնպես որ, Արմեն Երիցյանը եւս իր մասով օգնելու է ՀՀԿ-ին, իսկ թե ինչպես է այս ամենը հանդուրժելու ՕԵԿ-ը, նախարարին առանձնապես չի հուզում: Պատճառը թերեւս այն է, որ Արմեն Երիցյանին նախարար է նշանակել ոչ թե Արթուր Բաղդասարյանն իր քվոտայով, այլ Սերժ Սարգսյանը իր քաղաքական որոշմամբ»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
