Բակո Սահակյանն այսօր հրավիրել է խորհրդակցություն
Արցախ
Արցախի Հանրապետության Նախագահ Բակո Սահակյանը հունվարի 19-ին հրավիրել է խորհրդակցություն' նվիրված բնակարանային ծրագրերի իրականացման հետ կապված հարցերին:
Զեկույցով հանդես է եկել սոցիալական ապահովության նախարար Նարինե Ասծատրյանը:
Նախագահ Սահակյանն իր խոսքում նշել է, որ բնակարանային ծրագրերը մշտապես գտնվում են իշխանությունների ուշադրության կենտրոնում եւ հանդիսանում են հանրապետության սոցիալական համակարգի բարելավման կարեւորագույն բաղադրամասերից մեկը' հատկապես հաշվի առնելով նրանում սոցիալապես անապահով խմբերի ընդգրկվածությունը:
Բակո Սահակյանն ընդգծել է, որ, չնայած վերջին տարիների ընթացքում բավականին մեծածավալ աշխատանքների իրականացմանը, որոշ ուղղություններում դեռեւս կան լուրջ անելիքներ: Դա պահանջում է առկա թերացումների համապարփակ վերլուծություն' հետագայում այդ ամենը հաշվի առնելով նոր ծրագրերի իրագործման ընթացքում:
Երկրի ղեկավարը համապատասխան հանձնարարականներ է տվել շահագրգիռ մարմիններին գործընթացի պատշաճ իրականացման ուղղությամբ:
Խորհրդակցությանը մասնակցում էին վարչապետ Արա Հարությունյանը, պաշտոնատար այլ անձինք:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
