ՀԴԲ–ն հետաքննությո՞ւն է սկսում ադրբեջանական կայքերի վրա հաքերական հարձակումների գործով

ԱՄՆ–ի հետաքննությունների դաշնային բյուրոյի (FBI) հնարավոր է հետաքննություն սկսի Ադրբեջանի պետական կառավարչական հիմնարկների պաշտոնական կայքերի վրա հունվարի 16–ին հաքերական հարձակումներ գործելու փաստի առիթով։

Ինչպես հաղորդում է Regnum լրատվական գործակալությունը՝ հղում անելով իր դիվանագիտական աղբյուրներին, Միացյալ Նահանգներն արդեն իր օգնությունն է առաջարկել Ադրբեջանին դեպքի առիթով։

Իր հերթին, ամերիկյան «Symantec» ընկերությունը նույնպես աշխարհի տարբեր երկրներում գտնվող իր ներկայացուցչություններին հանձնարարել է ուսումնասիրել Իրանի կողմից հաքերական հարձակումների դեպքերը։

Սակայն Իրանն ադրբեջանական կողմի իր դեմ ուղղված մեղադրանքները չի ընդունում։

Հիշեցնենք, որ երկուշաբթի օրը տարբեր ժամերին հաքերական հարձակումների էին ենթարկվել Ադրբեջանի պետական և մի քանի հեղիանակվոր մասնավոր ընկերությունների պաշտոնական կայքեր։