Մոլդովայում ընթացող բողոքի ցույցերը կարող են տապալել իշխանությունը. Sputnik

Մոլդովայի իշխանությունները վախենում են սոցիալական պայթյունից՝ Գագաուզիայի ղեկավար Եվգենիա Գուցուլի դեմ մեղադրանքների ֆոնին։ Այս մասին հայտարարել է մոլդովական ընդդիմադիր «Հաղթանակ» դաշինքի առաջնորդ Իլան Շորը, հաղորդում է Sputnik.Moldova-ն։

«Բրյուսելի տականքները մահու չափ վախենում են ժողովրդական բողոքի ցույցերից։ Նրանք հիանալի հասկանում են, որ սոցիալական պայթյունը կարող է նրանց տաք աթոռներից ցած գցել», - ընդգծել է նա։

Գուցուլը ձերբակալվել է Քիշնևի օդանավակայանում՝ մարտի 25-ին. Նրան թույլ չի տրվել լքել Մոլդովան։ Նրան մեղադրանք է առաջադրվել 2023 թվականին ինքնավարությունում անցկացված ընտրությունների համար ընտրական միջոցների կառավարման կարգը խախտելու համար։ Բացի այդ, քաղաքական գործիչը մեղադրվել է «Շոր» կուսակցությանը անօրինական ֆինանսավորման և փաստաթղթեր կեղծելու մեջ։