Կրեմլը խոսել է Պուտինի և Թրամփի հանդիպման մասին

Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև անձնական հանդիպումը պետք է լավ պատրաստված լինի։ Այս մասին լրագրողների հետ ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։

Ինչպես նա նշել է, Կրեմլն արդեն բազմիցս պատասխանել է Պուտինի և Թրամփի միջև ուղիղ բանակցությունների նախապատրաստման վերաբերյալ հարցերին։

«Նման հանդիպումը անհրաժեշտ է, կա նման փոխըմբռնում։ Բայց նման հանդիպումը պետք է լավ պատրաստված լինի», - ընդգծել է Պեսկովը։

Նա հավելել է, որ Ռուսաստանի և ԱՄՆ նախագահները հայտարարել են անհրաժեշտության դեպքում հանդիպում անցկացնելու իրենց պատրաստակամության մասին։