Թուրքիայում մոլեգնող անտառային հրդեհների պատճառով՝ տարհանում են մարդկանց

Ստամբուլի Սիլիվրի արվարձանում անտառային հրդեհի դեմ պայքարում է գրեթե 700 մարդ և յոթ ինքնաթիռ, տարհանվել է 50 տան բնակիչ։ Այս մասին հաղորդում է ՌԻԱ Նովոստին։

Պարբերականը նշում է, որ հրդեհի մարմանը մասնակցում է յոթ ինքնաթիռ, երեք ուղղաթիռ, 56 հրշեջ մեքենա և 691 մարդ։

NTV-ի փոխանցմամբ՝ Թուրքիայի Իզմիր նահանգում անտառային հրդեհների պատճառով՝ տարհանվել են մի քանի բնակավայրերի բնակիչներ, փակվել են տարածաշրջանի օդանավակայանները և Չեշմե հանգստավայրի ուղղությամբ տանող գլխավոր մայրուղիներից մեկը։