Ռուսաստանում նոր ավտոմեքենաների վաճառքը կարող է կտրուկ նվազել

2025 թվականին Ռուսաստանի ավտոշուկայում սպասվում է նոր ուղևորատար ավտոմեքենաների վաճառքի անկում։ «Ավտոստատ» վերլուծական գործակալության տվյալներով՝ տարբեր սցենարներով անկումը կարող է կազմել 10-ից մինչև 30 տոկոս։

Բազային գնահատման համաձայն՝ վաճառքը կնվազի 20 տոկոսով՝ հասնելով 1,25 միլիոն մեքենայի։ Օպտիմիստական սցենարը կանխատեսում է 10 տոկոս անկում, իսկ ամենավատ տարբերակում շուկան կկրճատվի 30 տոկոսով՝ մինչև 1,1 միլիոն միավոր։

Ավելի վաղ հաղորդվել էր, որ հունիսին Ռուսաստանում նոր ավտոմեքենաների վաճառքի սպասվող աճը չի կայացել։ Վաճառքը նույնիսկ նվազել է 1,2 տոկոսով մայիսի համեմատ, իսկ մայիսին արդեն գրանցվել էր 11 տոկոս անկում՝ ընդամենը 91,220 մեքենայի իրացմամբ, գրում է Лента.ру-ն։