ՆԱԲՈւ-ն խուզարկություն է իրականացրել Ուկրաինայի նախկին պաշտպանության նախարարի տանը

Ուկրաինայի հակակոռուպցիոն բյուրոն (ՆԱԲՈւ) խուզարկություն է իրականացրել պաշտպանության նախկին նախարար Ալեքսեյ Ռեզնիկովի տանը՝ հետաքննության շրջանակում, որը վերաբերում է Ուկրաինայի ԶՈՒ-ի համար ուտելիքի չափազանց թանկ գնման գործին։ «Զերկալո Նեդելի»-ի տվյալներով՝ խուզարկության ընթացքում առգրավվել են Ռեզնիկովի հեռախոսը և մի շարք փաստաթղթեր։

Խոսքը գնում է շուրջ 13.2 միլիարդ գրիվնայի (ավելի քան $350 միլիոն) արժողությամբ մատակարարման պայմանագրերի մասին՝ Կիևի, Ժիտոմիրի, Սումիի և այլ շրջանների համար։ Մեդիայում այս գործը սկանդալային քննարկման առիթ էր դարձել՝ երբ հաղորդվեց, որ ձվերի գինը հաշվարկվել էր 17 գրիվնա մեկ հատի համար։ Ռեզնիկովը փորձել էր արդարանալ՝ ասելով, որ տեղի էր ունեցել «տեխնիկական սխալ»։

Նախարարությունն ավելի վաղ պնդել էր, թե տեղեկատվության տարածումը «մանիպուլյատիվ է և մոլորեցնող», սակայն ՆԱԲՈւ-ի գործողությունները վկայում են, որ գործին տրվել է լուրջ ընթացք։