Դաժան մենամարտ ինքնաթիռում

Ամերիկյան Frontier Airlines ավիաընկերության չվերթի ժամանակ երկու ուղևոր հարձակվել են միմյանց վրա՝ մեկնաբանի մեդիտացիայի պատճառով։ Ինչպես գրում է Daily Mail-ը, միջադեպը տեղի է ունեցել հուլիսի 1-ին՝ Մայամի ուղևորվող ինքնաթիռում։

21-ամյա Իշան Շարման զբաղված է եղել մեդիտացիայով, ինչն ագրեսիա է առաջացրել նրա կողքին նստած ուղևորի մոտ։ Նրանց միջև սկսվել է վեճ, որն ավարտվել է ֆիզիկական բռնությամբ․ Շարման փորձել է պահել հակառակորդին վզի հատվածից։ Տեսանյութում երևում է, թե ինչպես են տղամարդիկ բարձրացել նստարանների վրա՝ միմյանց հարվածներ հասցնելով ուղևորների աչքի առաջ։

Ի վերջո, նրանց հաջողվել է բաժանել, սակայն Շարման ստացել է վնասվածք։ Վայրէջքից հետո նրան բերման է ենթարկել ոստիկանությունը։ Նրա փաստաբանը փորձել է արդարացնել արարքը՝ հղում տալով կրոնական համոզմունքներին, սակայն դատարանը սահմանել է 500 դոլար գրավ և արգելել Շարմային մոտենալ տուժածին 500 մետրից ավելի մոտ։