Հարավային Կորեան կարող է հատուկ ներկայացուցիչ ուղարկել Ռուսաստան

Հարավային Կորեայի նախագահ Լի Չժե Մյոնը դիտարկում է Մոսկվա հատուկ դեսպան ուղարկելու տարբերակը։ Ըստ Yonhap գործակալության՝ նախաձեռնությունն իրականացվում է դիվանագիտական կապերի ընդլայնման շրջանակում, որը ներառում է պատվիրակների ուղարկում մի շարք երկրներ՝ ԱՄՆ, Չինաստան, Ֆրանսիա, Հնդկաստան և այլուր։

Աղբյուրները նշում են, որ Ռուսաստանի հարցը քննարկվում է հատկապես Մոսկվայի և Փհենյանի միջև խորացող ռազմական համագործակցության ֆոնին։ Վերլուծաբանների գնահատմամբ՝ սա կարող է լինել Սեուլի պատասխան քայլը՝ տարածաշրջանային հավասարակշռությունը պահպանելու նպատակով։

Ավելի վաղ նախագահ Լին իր ազգային անվտանգության ծառայության ղեկավարի պաշտոնում առաջադրել է Ռուսաստանում նախկին դեսպան Վի Սոն Նակին՝ ընդգծելով նրա փորձն ու դիվանագիտական գիտելիքները։