Ֆրանսիայում կանխվել է անչափահասի հետ հարսանիքը

Փարիզի Դիսնեյլենդում կանխվել է սկանդալային հարսանեկան արարողություն՝ 39-ամյա բրիտանացու և 9-ամյա ուկրաինացի աղջկա մասնակցությամբ։ Միջոցառումը կասեցրել է նախկին խորհրդային դեսանտային՝ լատվիացի Վիտալիսը, ով որպես մասսայական դերակատար է հրավիրվել՝ աղջկա «հոր» դերում։

Մինչև վերջին պահը Վիտալիսը կարծել է, թե հարսնացուն աղջկա մայրն է։ Իրավիճակը պարզելուց հետո նա տեղեկացրել է Դիսնեյլենդի անձնակազմին, ինչի արդյունքում կանչվել է ոստիկանություն։ Ձերբակալվել են չորս անձ՝ բրիտանացի կազմակերպիչը, աղջկա մայրը, ինչպես նաև երկու լատվիացի դերակատար։

Բրիտանացին նախկինում դատապարտվել էր անչափահասների դեմ սեռական հանցագործությունների համար։ Թեև նախնական բժշկական զննությամբ որևէ բռնության փաստ չի հաստատվել, դեպքի հանգամանքները շարունակում են պարզվել։ Ֆրանսիական դատախազությունը չի բացառել, որ սա կարող էր լինել նաև կասկածելի «մարքեթինգային բեմադրություն», գրում է Лента.ру-ն։