Թրամփը Պուտինին «պրոֆեսիոնալ» է անվանել

ԱՄՆ նախագահ Դոնալդ Թրամփը իր ռուս գործընկեր Վլադիմիր Պուտինին անվանել է «պրոֆեսիոնալ»՝ նշելով, որ նա հաղթահարում է Ռուսաստանի Դաշնության դեմ պատժամիջոցները։ Այս մասին հաղորդում է ՌԻԱ Նովոստին։

Սպիտակ տան ղեկավարի խոսքով՝ ինքը և Պուտինը վերջերս հեռախոսազրույցի ժամանակ բարձրացրել են հակառուսական սահմանափակումների թեման։

«Մենք շատ ենք խոսել պատժամիջոցների մասին, այո։ Ես չէի ասի, որ Պուտինը ոգեշնչված է դրանցով։ Նա հասկանում է, որ կարող են պատժամիջոցներ կիրառվել, նա պրոֆեսիոնալ է», - ասել է ամերիկացի առաջնորդը։

Նա հավելել է, որ Միացյալ Նահանգները կարող են նոր պատժամիջոցներ կիրառել Ռուսաստանի դեմ։