Արևմուտքում անսպասելի եզրակացության են հանգել Պուտինի և Թրամփի զրույցից հետո

Ռուսաստանի նախագահ Վլադիմիր Պուտինի և նրա ամերիկացի ու ֆրանսիացի գործընկերներներ Դոնալդ Թրամփի և Էմանուել Մակրոնի միջև զրույցը ամրապնդել է Ռուսաստանի դիրքորոշումը Ուկրաինայի հարցում, հաղորդում է խորվաթական Advance հրատարակությունը։

Հեղինակների կարծիքով՝ Պուտինի և Թրամփի հետ զրույցներից հետո պարզ է դարձել, որ Վաշինգտոնը ցանկանում է համաձայնության գալ Մոսկվայի հետ, մինչդեռ Բրյուսելը մտադիր է մշակել գոյատևման ռազմավարություն։

«Վաշինգտոնը ազդանշան է ուղարկում՝ խոստովանելով, որ հոգնել է։ Եվրոպան կծել է պատժամիջոցների թունավոր խնձորը։ Գերմանիայի արդյունաբերական բազան արյունահոսում է էներգակիրների գների պատճառով։ Ֆրանսիան բախվում է աճող անկարգությունների, իսկ Եվրամիության արևելյան թևը հասկանում է, որ սահմանազատման գիծը, ինչ էլ որ լինի, Բրյուսելի բյուջեից գումար կտանի», - նշում է հրատարակությունը։