YouTube–ը կանցկացնի սեփական կինոփառատոն

YouTube կայքն անցակցնելու է իր սեփական կինոփառատոնը` «Քո կինոն» անվանմամբ:

Associated Press գործակալությունը հաղորդում է` միջոցառման մասնակից կարող են դառնալ բոլոր ցանկացողները: Դրա համար անհրաժեշտ է 2012 թվականի փետրվարի 2-ից մինչև մարտի 31-ը ուղարկել կարճամետրաժ ֆիլմ, որը հետագայում թողարկվելու է YouTube-ում: Եզրափակչի մասնակիցներին ընտրելու է Թոնի և Ռիդլի Սքոթերի Scott Free Productions ընկերությունը:

Ներկայացված աշխատանքները կարող են լինել ցանկացած ժանրի: Ժյուրին նայելու է ոչ միայն ինքնուրույն կարճրամետրաժ ժապավեններն, այլ նաև սերիալների փորձնական տարբերակները:

Եզրափակիչ անցած 50 ֆիլմը ցուցադրվելու է YouTube-ում՝ հատուկ փառատոնի համար բացված ալիքում: Օգտատերերի քվեարկության արդյունքում ընտրվելու են լավագույն տասը գործերը: Հաղթող ֆիլմերը այնուհետև ցուցադրվելու են Վենետիկի 69-րդ կինոփառատոնում: Բացի այդ, լավագույն ֆիլմի հեղինակը ստանալու է 500 հազար դոլար դրամաշնորհ:

Ենթադրվում է, որ այդ գումարը ծախսվելու է նոր ֆիլմի վրա, որի նկարահանումներն իրականացվելու են Scott Free Productions ընկերության աջակցությամբ: