Պուտինը պրոֆեսիոնալ է. Թրամփ

ԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինին հաջողվել է դիմակայել ամերիկյան պատժամիջոցներին։ Թրամփը նշել է, որ վերջին հեռախոսազրույցի ընթացքում Պուտինը հասկացել է՝ նոր սահմանափակումներ կարող են լինել, սակայն նրա փորձառությունն ու հաշվարկված մոտեցումը օգնել են պահպանել դիրքերը։ «Նա պրոֆեսիոնալ է», — հավելել է Թրամփը։

Թեպետ Թրամփը պնդում է, թե ավելի խիստ է վերաբերվում Ռուսաստանին, քան անգամ Իրանին, նա վերջերս հանել է մի շարք պատժամիջոցներ ռուսական ակտիվների նկատմամբ։ Դրանց թվում են՝ «Ռուսский финансовый альянс», Темпбанк, РФК-Банк և մի շարք առևտրային կազմակերպություններ։

Սակայն ամերիկյան սենատոր Լինդսի Գրեհեմը, ով Ռուսաստանի կողմից համարվում է ծայրահեղական, պնդում է, որ Թրամփը քննարկում է նոր «կործանարար» պատժամիջոցների հնարավորությունը՝ ներառյալ 500% մաքսատուրք ռուսական գործընկերների նկատմամբ։ Մոսկվան արձագանքել է՝ շեշտելով, որ Ռուսաստանի տնտեսությունը արդեն հարմարվել է ճնշմանը, իսկ նոր սահմանափակումները վնասում են հենց Արևմուտքին։

Քաղաքագետները նշում են, որ Թրամփի կոշտ հռետորաբանությունը պայմանավորված է Պուտինի հետ զրույցի արդյունքներով։ Ըստ վերլուծաբանների՝ Պուտինը շարունակել է իր դիրքորոշումն Իրանի և Ուկրաինայի հարցերում, ինչը առաջացրել է դժգոհություն Սպիտակ տանը։ ԱՄՆ-ի նախկին պաշտոնյաներն ընդգծում են, որ Պուտինը հմուտ է մանևրում և կարողանում է իր պահանջներն առաջ տանել՝ թե՛ ուժով, թե՛ բանակցություններով։