TikTok-ի գործարքի շուրջ Չինաստանի հետ բանակցությունները կսկսվեն այս շաբաթ. Թրամփ

ԱՄՆ նախագահ Դոնալդ Թրամփը հայտնել է, որ երկուշաբթի կամ երեքշաբթի պատրաստվում է սկսել բանակցություններ Չինաստանի հետ TikTok-ի հնարավոր գործարքի շուրջ։ Նրա խոսքով՝ գործարքը «գրեթե ավարտված է» և բանակցությունները կարող են ընթանալ անձամբ նախագահ Սիի կամ նրա ներկայացուցիչների հետ։

Անցյալ ամիս Թրամփը երկարաձգել էր ByteDance-ին՝ TikTok-ի մայր ընկերությանը, ԱՄՆ-ում ունեցած ակտիվները վաճառելու վերջնաժամկետը մինչև սեպտեմբերի 17-ը։ Այս գարնանը գործարք էր նախապատրաստվում՝ TikTok-ի ամերիկյան բիզնեսը վերածելու նոր ընկերության, որը կղեկավարվեր ԱՄՆ-ում և կունենար ամերիկյան մեծամասնություն, սակայն այն սառեցվել էր՝ Չինաստանի հնարավոր մերժության պատճառով։

Թրամփը նշել է, որ գործարքը հավանաբար պետք է հաստատվի նաև Չինաստանի կողմից։ Հարցին՝ որքան է վստահ, որ Պեկինը կհամաձայնի, նա պատասխանել է․ «Չեմ ասի՝ վստահ եմ, բայց կարծում եմ՝ այո։ Սիի հետ լավ հարաբերություններ ունեմ։ Սա լավ է և՛ մեզ համար, և՛ Չինաստանի», գրում է Reuters-ը։