Թրամփը խոստանում է աջակցություն Ուկրաինային

ԱՄՆ նախագահ Դոնալդ Թրամփը հայտարարել է, որ Ուկրաինան «լրջորեն հարվածներ է ստանում» և անհրաժեշտ է ապահովել երկրի պաշտպանությունը՝ ներառյալ՝ Patriot տեսակի հրթիռային համակարգերով։ Թրամփը նման հայտարարություն արել է Ուկրաինայի նախագահ Վլադիմիր Զելենսկու հետ հեռախոսազրույցից հետո։

Թրամփը ընդգծել է, որ «անհավանություն է» հայտնել Վլադիմիր Պուտինի հետ իր նախորդ զրույցի ժամանակ՝ ասելով, որ ռուս առաջնորդը չի պատրաստվում գնալ հրադադարի։ Նրա խոսքերով՝ «Պուտինը պարզապես ցանկանում է շարունակել սպանությունները»։

Զելենսկին իր հերթին նշել է, որ ԱՄՆ-ի հետ քննարկվել են համատեղ պաշտպանական արտադրության, գնման և ներդրումների հարցեր։ Ըստ տեղեկությունների՝ կողմերը պատրաստվում են ստեղծել թիմեր՝ Ուկրաինայի հակաօդային պաշտպանության համակարգը զարգացնելու համար։ Ընդգծվում է նաև, որ Գերմանիան ևս քննարկում է Patriot համակարգեր գնելու հարցը՝ Կիևին աջակցելու նպատակով, գրում է  Reuters-ը։