Գիտնականները բացահայտել են Քեոփսի բուրգի գաղտնիքներից մեկը
Գիտություն և Մշակույթ
Հնագետները պարզել են, որ եգիպտական բուրգերը կառուցվել են որակավորված աշխատողների կողմից: Այս մասին հայտնել է եգիպտագետ Զահի Հավասը, հաղորդում է ՌԻԱ Նովոստին։
Եգիպտագետի խոսքով՝ իր թիմը կարողացել է հայտնաբերել մ.թ.ա. 13-րդ դարում աշխատողների կողմից թողնված մի քանի նախկինում անհայտ հետքեր։
Բացի այդ, գիտնականները ուսումնասիրել են բուրգի հարավում գտնվող դամբարանները: Պարզվել է՝ դրանք շինարարների գերեզմանն է՝ քարեր քարշ տվող արձաններով, որոնց վրա փորագրված էին 21 հիերոգլիֆներ: Մասնավորապես՝ «բուրգին նայող» և «արհեստավոր»։
Հավասը բացատրել է, որ հայտնագործությունները հաստատում են՝ շինարարները ստրուկներ չեն եղել։
«Եթե նրանք ստրուկներ լինեին, նրանց երբեք չէին թաղի բուրգերի ստվերում», - ընդգծել է նա։
Մասնագետը նշել է, որ նրանք աշխատել են թիմերով: Ոմանք կտրել են քարերը, մյուսները՝ ձևավորել, իսկ մնացածը զբաղվել են դրանց տեղափոխմամբ՝ օգտագործելով փայտե սահնակներ, որոնք քարշ էին տալիս ավազի վրայով: Շինարարները յուրաքանչյուր 10 օրը մեկ հանգստյան օր են ունեցել:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
