Թուրքիան կարող է կորցնել Ուկրաինայի հարցով միջնորդի կարգավիճակը

Թուրքիան կարող է կորցնել միջնորդի իր դերը Ուկրաինայում հակամարտության կարգավորման գործում՝ այսպես կոչված «անօդաչու թռչող սարքերի» կոալիցիային մասնակցելու պատճառով։ Այս մասին ՌԻԱ Նովոստիին տված հարցազրույցում հայտարարել է թուրք քաղաքագետ և Անկարա-Մոսկվա վերլուծական ցանցի փորձագետ Էնգին Օզերը։

Նա հիշեցրել է, որ Թուրքիան առաջիններից մեկն էր, որ սկսեց Ուկրաինային հարձակողական անօդաչու թռչող սարքեր մատակարարել, և «Բայքար» ընկերությունն արդեն Ուկրաինայի տարածքում դրանց արտադրության գործարան է կառուցում։ Նրա կարծիքով, սա խոսում է համագործակցության երկարաժամկետ ծրագրերի մասին։

Վերլուծաբանը նշել է, որ Անկարան փորձում է որքան հնարավոր է չեզոքություն պահպանել ՆԱՏՕ-ի անդամ երկրի համար։ Սակայն, ներկայիս պայմաններում, Ուկրաինային ռազմական օգնությանը նրա մասնակցությունը կարող է խաթարել հակամարտության մյուս կողմերի վստահությունը։