Ռուսները մտել են Դնեպրոպետրովսկի Դաչնոյե գյուղ․ Ուկրաինան կորցրել է ավելի քան 440 զինվոր

Ռուսաստանի պաշտպանության նախարարությունը հայտնում է, որ ռուսական զորքերը վերահսկողություն են սահմանել Դնեպրոպետրովսկի Դաչնոյե գյուղում։ Գործողություններն իրականացվել են «Կենտրոն» խմբավորման ուժերով՝ հատուկ ռազմական գործողության շրջանակում։

ՌԴ ռազմական տվյալներով՝ ռուսական կողմը հաջողությամբ հարվածել է Ուկրաինայի 11 բրիգադներին և 2 հարձակողական գնդերին՝ մի քանի բնակավայրերի տարածքում։ Ըստ նույն աղբյուրի՝ մեկ օրվա ընթացքում հակառակորդը կորցրել է ավելի քան 440 զինծառայող, զրահամեքենաներ, դաշտային հրետանի և մի շարք պիկափեր։

Մինչ այս հաղորդվել էր, որ ռուսական ուժերը ակտիվ առաջխաղացում են իրականացնում նաև Դոնբասի հարավում՝ Ուկրաինայի պաշտպանական դիրքերը նկատելիորեն թուլացած պայմաններում, գրում է Лента.ру-ն։