Չինաստանը կհարձակվի Թայվանի վրա, իսկ Ռուսաստանը՝ ՆԱՏՕ-ի․ NYT

ՆԱՏՕ-ի գլխավոր քարտուղար Մարկ Ռյուտեն չի բացառել՝ Ռուսաստանը կհարձակվի ՆԱՏՕ-ի երկրներից մեկի վրա: Այս մասին հայտնում է The New York Times-ը։

Ռյուտեի խոսքով՝ եթե Չինաստանը որոշի ուժ կիրառել Թայվանի դեմ, ապա Նախագահ Սի Ծինփինը կարող է խնդրել Վլադիմիր Պուտինին հարված հասցնել ՆԱՏՕ-ի երկրներին՝ Արևմուտքի ուշադրությունը հնդկա-Խաղաղօվկիանոսյան տարածաշրջանից շեղելու համար: Դաշինքի ղեկավարն ընդգծել է հնարավոր ագրեսիան զսպելու համար երկու առանցքային քայլերի անհրաժեշտությունը: Առաջինը ՆԱՏՕ-ի հավաքական պաշտպանության ամրապնդումն է, «որպեսզի ռուսները երբեք չհարձակվեն»։

Երկրորդը՝ ակտիվ համագործակցությունն է հնդկա-Խաղաղօվկիանոսյան տարածաշրջանի հետ պաշտպանական արդյունաբերության և նորարարության ոլորտում։ «Մեր առջև հսկայական աշխարհաքաղաքական մարտահրավեր է։ Եվ դա առաջին հերթին Ռուսաստանն է, որն աննախադեպ արագությամբ վերականգնում է իր ուժերը։ Այժմ ՌԴ-ն երեք ամսվա ընթացքում երեք անգամ ավելի շատ զինամթերք է արտադրում, քան ՆԱՏՕ-ի բոլոր երկրները մեկ տարվա ընթացքում», - հայտարարել է Ռյուտեն։