Լեհաստանը հսկողություն կմտցնի Գերմանիայի և Լիտվայի հետ սահմանին

Լեհաստանը հուլիսի 7-ից սկսած՝ 30 օրով ժամանակավոր սահմանային հսկողություն է մտցնում Գերմանիայի և Լիտվայի հետ սահմաններին։ Որոշումը կայացվել է միգրանտների անօրինական տարանցման մասին հաղորդագրությունների պատճառով, հաղորդում է ՌԻԱ Նովոստին։

Լեհաստանի իշխանությունների տվյալներով՝ կան դեպքեր, երբ գերմանական ոստիկանությունը միգրանտներին վերահասցեագրում է Լեհաստանի տարածք։ Գերմանիայի կողմից վերահսկողությունը գործում է 2024 թվականից, ինչը նախկինում բողոքի ցույցեր էր առաջացրել Վարշավայում։ Նոր միջոցառումները կարող են երկարաձգվել։

Սա ԵՄ-ում երկարատև միգրացիոն ճգնաժամի արձագանքն է։ Լեհաստանը, որը սահմանակից է Բելառուսին և Ուկրաինային, մնում է մարդկանց անօրինական տեղաշարժի հիմնական տարանցիկ միջանցք։