Վրաստանի իշխանությունները խստացնում են երկրում օտարերկրացիների գտնվելու կանոնները

Վրաստանի իշխանությունները մտադիր են խստացնել երկրում օտարերկրյա քաղաքացիների գտնվելու կանոնները։ Այս մասին հայտնում է «ՌԻԱ Նովոստի»-ն։

Իշխող «Վրացական երազանք» կուսակցության գործադիր քարտուղար Մամուկա Մդինարաձեն հայտարարել է, որ Քրեական օրենսգրքում նոր պատժատեսակ կլինի․ օտարերկրացու վտարում՝ որոշակի ժամկետով Վրաստան մուտք գործելու արգելքով:

«Նմանատիպ միջոց կհայտնվի նաև վարչական իրավախախտումների մասին օրենսգրքում»,-հայտնել է Մդինարաձեն ճեպազրույցի ժամանակ։