Լուկաշենկոն կոչ է անում զարգացնել այծաբուծությունը՝ «կենդանի գումար» վաստակելու նպատակով

Բելառուսի նախագահ Ալեքսանդր Լուկաշենկոն հայտարարել է, որ երկրում պետք է ակտիվացնել այծերի բուծման աշխատանքները՝ առավելագույն եկամուտ ապահովելու համար։ Նախագահի խոսքով՝ քանի դեռ կա պահանջարկ, անհրաժեշտ է «աշխատել լիարժեք», զարգացնել արտադրությունը և զբաղեցնել շուկան։

Մոգիլևի մարզ կատարած այցի ժամանակ Լուկաշենկոն ընդգծել է, որ այծաբուծությունը ներկայում զարգանում է դանդաղ, ինչը պետք է շտկել՝ կրկնապատկելով արդյունաբերական ցուցանիշները։ Նա նաև նշել է, որ այծի կաթն ու պանիրը ոչ միայն համեղ են, այլև հոգեբանական ազդեցություն ունեն սպառողի վրա։

Այցի շրջանակում Լուկաշենկոն բարձր է գնահատել այծի կաթի համը և կոչ արել «մտնել սպառողի գիտակցություն»՝ ապացուցելով դրա օգտակարությունը։ Նշվում է, որ այցի ընթացքում նախագահին նվիրել են երկու այծ՝ ալպիական և զանենական ցեղատեսակների, որոնց դիմաց նա առաջարկել է նվիրել իր ունեցած ոչխարը, գրում է Лента.ру-ն։