Կրեմլը բաց է որոշ փոփոխությունների համար՝ ըստ միջազգային դինամիկայի

Ռուսաստանի նախագահի մամուլի խոսնակ Դմիտրի Պեսկովը հայտարարել է, որ «ոչ բարեկամական երկրների» ցուցակը կարող է վերանայվել՝ կախված արտաքին քաղաքական իրավիճակից։ Այս մասին հայտնում է ՏԱՍՍ-ը։

Պեսկովի խոսքով՝ նման վերանայում հնարավոր է, եթե պետությունների հետ հարաբերություններում փոփոխություններ արձանագրվեն՝ թե՛ դեպի դրական, թե՛ դեպի բացասական կողմ։ Կրեմլը հետևում է զարգացումներին և գործողությունները համապատասխանեցնում իրավիճակին։

Նշենք, որ ներկայիս ցուցակում ընդգրկված են այն երկրները, որոնք աջակցել են Ռուսաստանի դեմ պատժամիջոցներին կամ իրականացրել են թշնամական քաղաքական քայլեր։