Թրամփը կոշտացնում է մաքսային քաղաքականությունը. նոր սադրանք

ԱՄՆ նախագահ Դոնալդ Թրամփը հայտարարել է, որ 14 երկրների նկատմամբ նոր մաքսատուրքեր կսահմանվեն օգոստոսի 1-ից՝ ներառյալ Ճապոնիան և Հարավային Կորեան։ Թրամփի խոսքով՝ բոլոր ապրանքների վրա կսահմանվի 25% մաքսատուրք, ինչը շուկաներում արդեն տատանումներ է առաջացրել։ Նա նշել է, որ եթե որևէ երկիր բարձրացնի իր մաքսերը, ԱՄՆ-ն ավելացնելու է այդ տոկոսն իր 25%-ի վրա։

Թրամփը նաև սպառնացել է BRICS երկրների առաջնորդներին լրացուցիչ 10% մաքսատուրքով՝ «Ամերիկայի դեմ ուղղված» քաղաքականություն վարելու դեպքում։ Այս քաղաքականությունը հատկապես մտահոգել է զարգացող երկրներին, որոնցից շատերը, ինչպես Բանգլադեշը և Հարավաֆրիկյան Հանրապետությունը, արդեն բախվում են բարձր մաքսատուրքերի վտանգին։ Թրամփը հավելել է, որ որոշ երկրների հետ դեռ հնարավոր է բանակցությունների միջոցով փոխզիջում գտնել։

Չնայած դրան՝ ԵՄ-ն հնարավոր է խուսափի նոր տուրքերից, քանի որ Բրյուսելում փորձում են արագ հասնել առևտրային համաձայնության։ Մինչ այդ, Վաշինգտոնում շարունակվում են բանակցությունները տարբեր երկրների հետ՝ այդ թվում Չինաստանի, որի հետ նոր մաքսային սահմանափակումները կարող են վերականգնվել օգոստոսի 12-ից, եթե համաձայնության չհասնեն, հայտնում է  Reuters-ը։