ՌԴ զինված ուժերը առաջխաղացում են գրանցել Սումիի շրջանում

Ռուսաստանի պաշտպանության նախարարությունը հայտնել է, որ երկրի զինված ուժերը գրանցել են առաջխաղացում Սումիի մարզում՝ վերահսկողություն հաստատելով վեց բնակավայրերի շրջանում։ Այս գործողությունները, ըստ պաշտոնական աղբյուրի, նպատակ ունեն ստեղծել անվտանգության բուֆերային գոտի։

Նշվում է, որ ռազմական գործողությունները ընթացել են Նովոիվանովկա, Նովայա Սեչ, Կոնդրատովկա, Յունակովկա, Սատկի և Վարաչինո բնակավայրերի ուղղությամբ։ Այս ուղղությամբ գործում են ՌԴ «Հյուսիս» խմբավորման ստորաբաժանումները, հայտնում է Лента.ру-ն։

Պաշտպանության նախարարության տվյալներով՝ բախումները շարունակվում են՝ կենտրոնանալով մարտավարական կարևորություն ունեցող հատվածների վրա։