Կրեմլը մեկնաբանել է ԱՄՆ-ից Ուկրաինային զենքի մատակարարումների վերսկսումը

Ռուսաստանի նախագահի մամուլի քարտուղար Դմիտրի Պեսկովը ճեպազրույցի ժամանակ մեկնաբանել է ԱՄՆ-ի կողմից Ուկրաինային զենքի մատակարարումների վերսկսման մասին տեղեկատվությունը։

Կրեմլի ներկայացուցիչը հիշեցրել է, որ դեռևս վերջնական տեղեկատվություն չկա այն մասին, որ ամերիկյան զենքի մատակարարումներն ավարտվել և դադարեցվել են։ Նրա խոսքով՝ ամերիկյան կողմից բազմաթիվ հակասական հայտարարություններ են եղել։ Պեսկովը կարծում է, որ ԱՄՆ-ն շարունակում է զենք մատակարարել Ուկրաինային եվրոպական երկրների ակտիվ մասնակցությամբ։

«Սա այն գիծն է, որը ընտրել են եվրոպացիները։ Այն բացարձակապես ուղղված է ռազմական գործողությունների շարունակությանը ամեն կերպ նպաստելուն։ Սակայն ինչ վերաբերում է նրան, թե ինչպիսի մատակարարումներ և ինչ քանակությամբ են շարունակելու գալ Ուկրաինա ԱՄՆ-ից, դա վերջնականապես պարզաբանելու համար ժամանակ կպահանջվի։ Դեռևս կան բազմաթիվ հակասական փաստեր», - ասել է մամուլի քարտուղարը։