Աշխարհի խոշորագույն տնտեսությունները անցնում են BRICS-ի հետ առևտրին․ NYT

Աշխարհի խոշորագույն զարգացող տնտեսությունները ԱՄՆ-ի փոխարեն անցնում են BRICS-ի հետ առևտուր անելու, գրում է The New York Times-ը:

«Ամերիկացի առևտրային գործընկերները պատրաստվում են ԱՄՆ նախագահ Դոնալդ Թրամփի կողմից շուտով նոր մաքսատուրքեր սահմանելուն՝ մանկական խաղալիքներից մինչև սոյա։ Սակայն ԱՄՆ-ի հետ առևտրային համաձայնագրեր կնքելու շտապողականության փոխարեն` աշխարհի խոշորագույն զարգացող տնտեսություններն այլ ծրագրեր ունեն», - ասվում է հրապարակման մեջ։

Հոդվածի հեղինակները ընդգծում են, որ BRICS-ի անդամ երկրները Ռիո դե Ժանեյրոյում կայացած գագաթնաժողովում համաձայնության են եկել զարգացնել առևտրային կապերը միմյանց հետ։ Միևնույն ժամանակ, Վաշինգտոնի գործողությունները փոխում են տնտեսական կապերը ամբողջ աշխարհում և ամերիկացի առևտրային գործընկերներին մղում դեպի այլ շուկաներ։