Մայքլ Դուգլասը հեռանում է մեծ էկրանից․ դերասանը բացատրել է իր որոշման պատճառը

Հոլիվուդյան վետերան դերասան Մայքլ Դուգլասը հայտարարել է, որ չի նախատեսում կրկին նկարահանվել, եթե միայն ինչ-որ «հատուկ բան» չառաջարկվի։ 80-ամյա դերասանն այս հայտարարությունն արել է Չեխիայի Կառլովի Վարի կինոփառատոնի ժամանակ՝ նշելով «Թռիչք կկվի բնի վրայով» ֆիլմի 50-ամյակը, որի պրոդյուսերը նա է եղել։

Դուգլասը պատմել է, որ 2022 թվականից հետո միտումնավոր դադար է վերցրել՝ չցանկանալով ավարտել իր կարիերան նկարահանման հրապարակում մահանալու վտանգով։ Նա շեշտել է, որ լիովին գոհ է իր հանգիստ կյանքից և նախընտրում է հետևել կնոջ՝ Քեթրին Զետա-Ջոնսի կարիերային։

Չնայած դերասանությունից գրեթե հրաժարվելուն, Դուգլասն ունի երկու դեռևս չհրապարակված նախագիծ՝ «Looking Through Water» ֆիլմը և «Reagan & Gorbachev» մինի սերիալը։ Նրա դերասանական կարիերան սկսվել է դեռ 1966-ին, իսկ աշխարհին առավել հայտնի է դարձել «Wall Street» ֆիլմով, որում ստացած դերի համար արժանացել է Օսկարի, հայտնում է CNN-ը։