ՌԴ ՊՆ-ն՝ ուկրաինական ԱԹՍ-ների խոցման մասին Բելգորոդի մարզում

 Ռուսաստանի պաշտպանության նախարարությունը հայտնել է, որ հուլիսի 8-ին, ժամը 14:20-ից 15:00-ն ընկած ժամանակահատվածում, Բելգորոդի մարզի երկնքում խոցվել են Ուկրաինայի զինված ուժերին պատկանող երկու անօդաչու թռչող սարք։

Ըստ հաղորդման՝ ՊՆ հակաօդային պաշտպանության համակարգերն աշխատել են արդյունավետ, եւ երկու ԱԹՍ-ներն էլ հաջողությամբ ոչնչացվել են։ Այլ մանրամասներ, այդ թվում՝ վնասների կամ զոհերի մասին, գերատեսչությունը չի հայտնել։

Ավելի վաղ հաղորդվել էր, որ ուկրաինական ԱԹՍ-ները հրդեհի էին ենթարկել Բելգորոդի մարզի ցորենի դաշտեր՝ այրելով մոտ երեք հեկտար տարածք և վնասելով 15 քաղաքացիական ավտոմեքենա, գրում է Лента.ру-ն։