Փաշինյան-Եկեղեցի առճակատումը հանգեցնում է հայ ազգի բևեռացմանը․ AL Jazeera

Վարչապետ Նիկոլ Փաշինյանի և Հայաստանի առաջատար քրիստոնյա հոգևորականների միջև առճակատումը կարծես թե խորանում է, ինչը հանգեցնում է Հարավային Կովկասի խորապես կրոնական 3 միլիոնանոց ազգի բևեռացմանը: Այս մասին հաղորդում է կատարական Al Jazeera-ն։ 

Հակամարտությունը սրվել Է հունիսի 27-ին, երբ Սուրբ Էջմիածնում զանգերի ղողանջը ազդարարեցին բարձրաստիճան հոգևորականի ձերբակալության մասին։ ըստ Փաշինյանի՝ «հեղաշրջման կազմակերպիչների» թվում է Եկեղեցու առաջնորդ Գարեգին Բ-ն, ով ամիսներ շարունակ անձնական թշնամանք է վարել Փաշինյանի հետ։ Սակայն, ըստ դիտորդների, այս հակամարտությունը չպետք է դիտարկել որպես առճակատում աշխարհիկ իշխանությունների և ամբողջ եկեղեցու միջև:

«Սա անձնական բախում է», - հայտնել է տարածաշրջանային հետազոտությունների վերլուծական կենտրոնից Ռիչարդ Գիրակոսյանը: «Մենք այնքան անգամ ենք կորցրել մեր պետականությունը, որ եկեղեցուն պատկանելը հավասարազոր էր հայ լինելուն։ Եկեղեցու վրա հարձակվելը նման է յուրաքանչյուր հայի վրա հարձակվելուն», - ասել է գյումրեցի  37-ամյա Նարինե Մալիկյանը:

«Եկեղեցին, որի վարդապետությունը տարբերվում է Հռոմեական Կաթոլիկ և Ուղղափառ եկեղեցիներից, դարեր շարունակ օգնել է պահպանել հայերի ինքնությունը, մինչդեռ նրանց հողերը կառավարել են իրանցիները, բյուզանդացիները, արաբները, մոնղոլները, թուրքերը և ռուսները», - եզրափակել է աղբյուրը: