Չինաստանի վերջնագիրը կարող է խափանել հազվագյուտ մետաղների համաշխարհային շուկան

Չինաստանը սպառնում է դադարեցնել հազվագյուտ մետաղների ներկրումը Մյանմայից, եթե Կաչինի Անկախության Բանակը (KIA) չդադարեցնի Բհամո քաղաքի գրավման փորձերը։ Այդ քաղաքը գտնվում է Մյանմայի հյուսիսում՝ մոտ չինական սահմանին, և հանդիսանում է ռազմավարական հանգույց։ Տարածքում գործում են հանքավայրեր, որոնցից մատակարարվում է աշխարհի ծանր հազվագյուտ մետաղների մոտ կեսը։

Reuters-ը հայտնում է, որ այս տարվա գարնանը Պեկինը նախազգուշացրել է KIA-ին, որ եթե այն շարունակի հարձակումը Բհամոյի վրա, Չինաստանը կկասեցնի հանքային նյութերի գնումը ապստամբների վերահսկող տարածքներից։ Փոխարենը առաջարկվել է սահմանի երկայնքով առևտրի ընդլայնում, եթե նրանք հրաժարվեն գրոհից։

Չնայած սպառնալիքներին՝ KIA-ն չի նահանջել։ Նրանք վստահ են, որ Չինաստանը չի իրականացնում սպառնալիքը՝ քանի որ վերջինս կախված է այդ հումքից։ Եթե մատակարարումները դադարեն, դա կարող է պակաս առաջացնել համաշխարհային շուկայում արդեն այս տարվա վերջում՝ բարձրացնելով գները ամբողջ աշխարհում, հայտնում է  Reuters-ը։