Արդարացի՞ քննադատություն, թե ուղղակի աղմուկ Հեյլի Բիբերի նոր ֆոտոյից

Հեյլի Բիբերի լուսանկարը նոր գովազդային արշավից նորից դարձավ քննարկման առարկա։ Նկարներում նա կրում է սև բիկինի ու ոսկյա շղթա՝ փաթեթիկով, որտեղ տեղադրված է Rhode բրենդի շրթներկը։ Սակայն օգտատերերին ավելի շատ հետաքրքրեց հենց այդ դետալը, որը շատերը շփոթել են տամպոնի պատյանի հետ։

Instagram-ում լուսանկարի մեկնաբանությունները լի էին հակասական արձագանքներով՝ «Սա շրթներկի պատյա՞ն է, թե՞ տամպոն», «Անիմաստ աքսեսուար», «Ավելի շատ շեղում է, քան ոգեշնչում»։ Որոշ օգտատերեր հայտարարեցին, որ նման ոճավորումը վնասում է բրենդի վիզուալը և սխալ մեսիջ է փոխանցում։

Չնայած քննադատություններին՝ Հեյլիի նորաձև լուկը շարունակում է տարածվել սոցցանցերում, իսկ բրենդը՝ խոսակցության թեմա մնալ։